احمد مكى و نهال مصر و الجزائر

فى الاول قبل مطش مصر و الجزائر فى السودان
حاولت اكون محايد بين البلدين
رغم ان انتمائى و حياتى و طفولتى و جنسيتى مصرى
عشان قدام رينا ميجيش يوم ابقى فيه مساهم ولو بواحد فى الميه
فى فتنه بين بلدين اخوات
لكن الحقيقه بعد الاهانه و الغدر اللى شافوه اهلى و بلدى
خصوصا ان الجزائر ما رددتش بأى اعتذار حتى الان

و الاغنيه دى اقل حاجه ممكن اقدمها لمصر
بلدى
مهما دورت و لفيت غيرك وطن ما لقيت
ذكريات طفولتى فيكى و بالنسبالى انتى البيت
انتى الحب انتى الطيبه فيكى اتربيت
انتى جنسيه امى اغلى من حبيت
فى الغربه بره ببقى تهت و انتهيت
بندم و بسأل نفسى طب ليه انا مشيت
لو كنت فيكى صبرت و كل جهدى حطيت
و فدتك باللى عندى و من جوه قلبى اديت
و اغرس فى ولادى حبك اكتر منا حبيت
حتبقى احلى جنه اامن امان بيه حسيت
مش ممكن ابدا مهما يكون حنرضى بغيرك انتى بيت
حيقول حفيدى فى يوم بقبر جدى مريت
عزت النفس الهويه حب بلادى شميت
مش ممكن ابدا ارضى بغيرك انتى بيت
مهما دورت انا و لفيت الدنيا شرق و غرب
ما فى غيرك انتى يا بلدى ابدا جوه القلب
(2)
لما بكون مسافر و ارجع ماسك طريق
بفتكر كل حاجه فيكى بتصوير بطيء
شارعى و اهل شارعى عاملين زى الفريق
محدش فيهم يقدر يفوت جارهم فى ديق
لى كلوا اكتر من اخ و اصدق من الصديق
جوه كل حاره فيكى سرو و اصول
لو فى يوم اتنين اتخنقوا ده يقول و ده يقول
تلقى دايما فى كبير بيترجعلوا فى الحلول
بفتكر لما كنا عيال صغيرين فى الشارع
بنبنى جون من طوب بنهاجم و اندافع
و نخلص المطشات و نروح و نشرب من الجامع
و قبل الدنيا ما تليل للغيه اكون طالع
اطير الحمام مع اصحابى و نتابع
و يحط الليل علينا و كلوا لبيتوا يكون راجع
احلى جو فى العالم طول الاربع فصول
ليلك لى اقوى سحر بدعى دايما انه يطول
فيكى احلى المواهب فيكى اذكى العقول
فيكى طاقه بشر جامدين بشكل مش معقول
خفه دم شعبك ده فى مدينه او فى ريف
حول كل المشاكل لنكت دمها خفيف
من زحمه الشوارع لحد حجم الرغيف
حتى فى عز الكوارث تعليق ظريف يضيف
جدعان طيبين و بقلب ابيض كبير
حتى المناسبه فى مصر بردوا ليها طعم غير
رمضان او العيدين ان كان صغير او كبير
تلقى الناس فى الشوارع فرحانه و بتوزع خير
احن قلوب ستات فى الدنيا و رجاله بتغير
لو منتخبنا جاب جون الشارع كله بيطير
قلى طب ارضى ازاى انا دلوقتى بوطن غير
مهما دورت انا و لفيت الدنيا شرق غرب
ما فى غيرك انتى يا بلدى ابدا جوه القلب
(2)